Jeevan ki raah

Kaisi ajeeb hai yeh jeevan ki raah,
samajh nahi aati hai,
Kitna bhi chal lo ispe,
har mod pe ek naya mukh dikhati hai,

Kitni vichitra hai,
Kitni anukool hai,
Kitni bhavya hai ye,
Yeh hamaare jeevan ki raah hai.

Pal mein hasaati hai,
Pal mein rulaati hai,
Pal mein khilati hai,
Pal mein dubati hai.

Fir bhi chal rahe hai sabhi,
Koi na karta shikaayat isse,
Kare bhi toh kisse shikaayat kare,
Yeh apni hi chuni hui raah hai.

Is raah par chalte sab hai,
Lekin koi ise aaj tak samajh nahin paya,
Kitne isme mod hai,
Koi in mod ko mod na paaya.
Khud is mod pe hum mud jaate hai,
Jo mod aata hai use samajh nahin paate hai.

Yeh mod kabhi jald hi seedhe raaste ban jaate hai,
ya fir kabhi bahut sa waqt nikal jaata hai,
raaste seedhe nahin ho paate hai,
Kabhi lagta hai, ab yeh mod khatam ho jaayenge,
Par fir koi naya mod aa jaata hai.

Hume koi shikaayat nahin in modo se,
Par hume chinta hai in mod ki,
Lagta hai kabhi jald yeh raaste seedhe ho jaaye,
taaki hum bhi kabhi seedhe raste pe,
chalne waalo mein se ban jaaye.

Koi na kabhi samajh saka hai,
na kabhi samajh paayega,
Lekin koi in modo ka, kabhi toh roop anokha paayega.

Yahi jeevan hai,
Jo katjaayegi in modo pe chalte chalte,
Kabhi kuch paate paate,
Kabhi kuch khote khote,

Lekin fir bhi ek prashn zaroor uthta hai dimaag mein

Jeevan ki raah
Kaisi ajeeb hai yeh jeevan ki raah,
samajh nahi aati hai,
Kitna bhi chal lo ispe,
har mod pe ek naya mukh dikhati hai.