RESULTS KE PEHLE KE BUS KUCH DIN

Results ke pehle kuch din,
Bahut kathin hai yeh results ke pehle ke kuch din,
Raat kat-ti nahin na beete ye din,
Kuch aise hote hai, Results ke pehle ke kuch din.

Jeena - Marna dubhar ho jaaata hai,
Mann mein ajeeb prakaar ke vichaar aane lagte hai,
Mann ajab vyakul rehta hai har pal,
Yeh kuch aur nahin, yeh hai Results ke pehle ke kuch din.

Jo mehnat ki - uska fal kya milega,
Jo mehnat ki - kya woh rang layegi,
Jo mehna ki - kya woh safal hogi,
Bas yahi bechaini rehti hai, har pal,
Bus Results ke pehle ke kuch din.

Din dhalta nahin,
Raat kat-ti nahin,
Sukoon nahin dil ko,
Karaar isko aata nahin,
Yeh sab hota hai, bus Results ke pehle kuch din.

Duaen hoti hai,
Faryaade hoti hai,
Prarthanae hoti hai,
ek bhiksha hoti hai,
har pal, har samay, har ghadi,
bus yehi rehta hai, mastishk me,
Results ke pehle kuch din.

Jo kaamyaab huva to kya,
Jo nakaam huva to kya,
Kya khushi ka jashn manaege,
Ya phir nakaamyabi ka shokh manaaenge,
yahi sab kuch chalta hai,
Bus Results ke pehle kuch din.

Yeh dil bada kamzor hota hai,
Yeh dil bada Vyakool rehta hai,
Yeh dil bada pareshaan rehta hai,
Yeh dil bada Utsukt rehta hai,
Bus yeh sab kuch hota hai yaaron,
Results ke pehle kuch din.

Bus ab tamanna yahi hai,
Ke Kaamyaab ho jaaye,
Zindagi ki bahaaron ko hum bhi kuch paa jaae,
Zindagi ke sadmoh se kuch bahaar aa jaae,
Bus ab yahi chal raha hai,
Results ke pehle kuch din.

Ab kuch khona nahin hai,
Ab kuch paana hai,
Ek Aasha hai,
Koi Abhilaasha nahin hai,
Bus yeh kathin manzil paar ho jaae,

YAHI DIL ME BASA HAI YAARON,
RESULTS KE PEHLE KUCH DIN.